MAGTANONG

by | Sep 30, 2017 | Today's Word

Daily Devotions

365 Daily Supplements For The Heart
Approved Therapeutic Claims

Proverbs 18:15
The heart of the discerning acquires knowledge. The ears of the wise seek it out.

Ang tunay na matalino ay naghahanap pa ng katalinuhan at ng karunungan. Ang tumitigil nang maghanap nito ay ang hindi matalino. Kung sino pa ang nangangailangan ay siya pa itong titigil, kaya’t lalong walang nangyayari sa kanyang buhay. At yun namang marunong at nakaaalam na, habang dumadami ang kanyang kaalaman, lalo nyang nadidiskubreng marami pala siyang hindi alam. Kaya lalo siyang naghahanap ng malalaman pa. Sila ang mga taong umaasenso.

Kung minsan ay nakakatakot magtanong. May sinabi ang isang tao, hindi mo naintindihan, tatawa ka na lang para kunwari’y naintindihan. Minsan, tatanungin ka, “Gusto mo ba ng ganitong pagkain?” Very foreign-sounding ang pangalan, at sasagot ka, “Ayoko.” Ayaw mong itanong, “Ano yon?” May mga taong ayaw magtanong. A person who asks may look like a fool for a moment, but he learns and then becomes wiser forever. But the person who doesn’t ask may look wise for a moment, but remains a fool forever.

Nakikita nyo ang importansya ng nagtatanong? Huwag kayong nagpapanggap lang na alam nyo na–lalo na sa instructions sa paggamit ng isang kasangkapan. Baka biglang sumabog at masunog tayo kasi hindi natin naintindihan.

Ang buhay natin ay parang kagamitan din. May manual tayo—ang Bible. Ito ang nagsasabi kung paano dapat mamuhay, kailan ka dapat on, kailan ka off, kailan ka nagpapahinga, paano ka magagamit at paano ka mamumuhay. At pag hindi natin sinunod yun, nagkakasira-sira rin tayo. Mahalaga na willing tayong matuto anuman ang ating edad.

Ed Lapiz

Day By Day Christian Ministries

Be A Blessing!

If you are blessed through this ministry, you could now take your turn to be the blessing to many others.

With your helpful support, more people could be reached with the messages of delight, strength and hope.

Send My Love Gift

HETO ANG LATIK

by | Sep 29, 2017 | Today's Word

Daily Devotions

365 Daily Supplements For The Heart
Approved Therapeutic Claims

Ecclesiastes 12:13-14
Now all has been heard, here is the conclusion of the matter: Fear God and keep his commandments. For this is the whole duty of man. For God will bring every deed into judgment, including every hidden thing, whether it is good or evil.

Bigyan ang Dios ng pitagan at sundin ang kanyang mga iniutos. Why? Because words of wisdom, according to Solomon, are like sticks that farmers use to make animals move. Yun yung mga goads na sinasabi nya. Napapalo nang konti, naga-guide nang konti, kumikilos yung hayop na ayaw kumilos sana.

Words of wisdom are like nails that fasten things together. Yun daw mga katuruan, mga karunungan na sinala sa panahon at napatunayang totoo, yan ay walang ibang pinanggalingan kundi ang Dios lamang. Huwag kang lumayo sa itinuturo nya ngayon kasi yun lang ang mahalaga. Huwag kang maghabol ng kung anu-anong mga pangarap. Huwag kang aral nang aral ng mga kung anu-anong hindi mo kailangan. Para yang pag-iipon ng napakaraming niyog para gatain at pagkunan ng latik. Ang totoo’y yung latik lang ang kailangan mo: yung essence ng lahat ng katuruan sa Ecclesiastes. Heto yung latik: “Igalang mo ang Dios at sundin mo siya.”

Respect and obey God as early and as consistently as possible. Sabi nila, mahirap maging banal. Oo, pero mahirap ding maging makasalanan, kaya magpakabanal ka na lang. Mahihirapan ka na rin lang, doon ka na mahirapan sa tama.

God will judge everything we do. Even what is done in secret, whether good or bad. Walang lihim sa Dios. Huwag kayong malibang kung meron kayong madidilim na inililihim. Walang madilim sa Dios sapagkat siya’y liwanag.

Ed Lapiz

Day By Day Christian Ministries

Be A Blessing!

If you are blessed through this ministry, you could now take your turn to be the blessing to many others.

With your helpful support, more people could be reached with the messages of delight, strength and hope.

Send My Love Gift

LATIK

by | Sep 29, 2017 | Today's Word

Daily Devotions

365 Daily Supplements For The Heart
Approved Therapeutic Claims

Ecclesiastes 12:9-10
Not only was the Teacher wise, but also he imparted knowledge to the people. He pondered and searched out and set in order many proverbs. The Teacher searched to find just the right words, and what he wrote was upright and true.

Alam nyo ba kung gaano kahalaga ang mga kasabihan? Para makabuo ng two-liner na “Ang naglalakad ng matulin, kung matinik ay malalim. Ang naglalakad ng marahan, kung matinik ay mababaw” kailangan ng isang mahabang buhay ng pag-o-observe, pagpo-proseso ng mga na-observe at pagkatapos buong katalinuhan na paggawa ng mga conclusions. Gaano kaya karaming karanasan, karunungan, pagmamatyag, panonood, at pag-aaral bago makabuo ng isang kasabihan?

Parang tumitingin kayo sa bibingka na may latik. Saan galing ang isang kutsaritang latik? Baka sa dalawang tabong gata. At saan nanggaling ang dalawang tabong gata? Baka sa labindalawang niyog. At saan nanggaling ang labindalawang niyog? Baka sa labindalawang puno ng niyog. At bago naging niyog yun, kinuha pa yung mga nutrients mula sa soil, na-process pa sa photosynthesis ng mga dahon pag tinatamaan ng araw. At pagkatapos inipun-ipon, ang tagal-tagal bago naging buko, bago naging niyog. Pagkatapos bubuksan mo pa ang niyog nang kay hirap-hirap. Kukudkurin mo pa. Tapos pipisa-pisain mo yung gata, lulutuin mo na may mga apuy-apoy pang ilalagay para lang magkaroon ng latik. Kaya ang mga kasabihan ay parang mga latik. Ang lalim, ang dami nang pinanggalingan bago mabuo.

Mahalaga ang mga kasabihan. Nagtatagal ito from generation to generation at nagpapatunay na ito’y totoo. Sapagkat kung hindi ito totoo, hindi babanggitin, hindi bibigkasin, hindi ituturo ng mga matatanda sa mga bata.

Ed Lapiz

Day By Day Christian Ministries

Be A Blessing!

If you are blessed through this ministry, you could now take your turn to be the blessing to many others.

With your helpful support, more people could be reached with the messages of delight, strength and hope.

Send My Love Gift

BAWAL SABIHIN YAN

by | Sep 27, 2017 | Today's Word

Daily Devotions

365 Daily Supplements For The Heart
Approved Therapeutic Claims

Luke 1:37
“Nothing is impossible with God.”

Isa sa pinaka-ayokong naririnig mula kanino man ay yung “Mahirap gawin yan.” Sa takot ng mga taong gumawa ng mahirap, pinapadali na lang nila ang lahat ng ginagawa nila. Ang resulta, bumababaw tuloy sila, lumiliit ang kanilang mundo at pawala nang pawalang kwenta ang kanilang mga produkto.

Also, don’t say “I can’t” because you limit yourself. Meron na ba kayong nakitang tao na gumawa ng kulungan at ikinulong ang sarili nya sa loob? Kumuha siya ng tali at iginapos ang kanyang sarili? Gumawa ng mga rehas para makulong siya sa loob? You will say it is foolish but people who say “I can’t” do just that. Instead, say, “I can with God’s help.”

We should also stop saying “Wala tayong magagawa.” Dapat ang sasabihin natin, “May magagawa tayo sa tulong ng Dios.” Ang lipunan natin ay nahihirapan sa pag-asenso dahil nakukuntento na lang tayo sa laging “Ganyan na talaga yan, wala na tayong magagawa.” Sumusuko na kaagad kahit hindi pa man lang nakakalaban.

Isa pang dapat alisin sa ating bokabularyo ang “Puede na yan.” Kapag inantok nang konti, “Puede na yan.” Medyo napapagod na, “Puede na yan.” Kapag minamadali ang isang trabaho, “Puede na yan.” Kailangan hamunin natin ang sarili at sabihing, “Hindi pa puede yan. Dapat pang gandahan.”

Meron tayong Dios na malakas, makapangyarihan at makapananaig maging sa ating mga kahinaan. Meron pa tayong magagawa.

Ed Lapiz

Day By Day Christian Ministries

Be A Blessing!

If you are blessed through this ministry, you could now take your turn to be the blessing to many others.

With your helpful support, more people could be reached with the messages of delight, strength and hope.

Send My Love Gift

MAY PLANO PARA SAYO

by | Sep 26, 2017 | Today's Word

Daily Devotions

365 Daily Supplements For The Heart
Approved Therapeutic Claims

Jeremiah 29:11
“For I know the plans I have for you,” declares the LORD, “plans to prosper you and not to harm you, plans to give you hope and a future.”

Bagamat may orihinal na tinutukoy ang verse na ito, merong pangkalahatang katotohanan ito para sa mga anak ng Dios. At ang plano ng Dios para sa kanila ay bigyan sila ng kasaganaan at kaginhawahan. Hindi para saktan kundi bigyan ng pag-asa at mabuting kinabukasan.

Sasabihin natin, “E bakit hindi nangyayari sa buhay ko yan?” Kasi hindi natin pinapayagan. Ang paghahari at pagpapala ng Dios ay hindi kumikilala ng income bracket, intelligence o pinag-aralan. Kahit sino, may malulungkot at may masaya. Anong pagkakaiba? Sa ating personal attitudes.

“Bakit hindi ka pa umuwi, ala-una na ng umaga?”

“Wala pa rin naman ang nanay ko e. Mauunahan ko pa.”

Aba, wala na ngang nagbabantay sayo, di mo pa babantayan ang sarili mo?

“Ba’t naninigarilyo ka na, ang bata-bata mo pa?”

“E hindi naman ako pinipigilan ng magulang ko.”

Lalong dapat kang magpigil. Kasi wala na ngang nagmamalasakit sayo, itatapon mo rin ang buhay mo?

“Bakit nakakalabinlimang nobyo ka na, e labimpitong taon ka pa lang?” “Ang nanay ko nga ho, nakakapitong asawa na.”

Ibig mong sabihin kung itinapon ng nanay mo ang buhay nya sa kanal, itatapon mo rin ang buhay mo?

Marami kasing tao, pag naliligid sila ng kadiliman, akala nila dapat na rin nilang diliman ang buhay nila. Pero hindi. Habang walang nag-aangat sayo, lalo mong dapat tulungan ang sarili mong umangat. May Panginoong nagmamahal sa atin. May balak siya para sa atin, doon sa kabilang buhay at maging dito man.

Ed Lapiz

Day By Day Christian Ministries

Be A Blessing!

If you are blessed through this ministry, you could now take your turn to be the blessing to many others.

With your helpful support, more people could be reached with the messages of delight, strength and hope.

Send My Love Gift