ALISIN ANG BITTERNESS

Ephesians 4:31

Stop being bitter and angry and mad at others…

Do not harbor bitterness about your situation or that of your loved ones. Yung iba, may bitterness sa kanilang kapansanan at kakulangan. “Bakit kaya ako ipinanganak na kulot? Hindi tuloy ako makuhang model ng shampoo.” Puede ka namang maging model ng panghuli ng insekto. Kasi pag may pumasok na salagubang sa ulo mo, hindi na makakalabas. Wala pa lang ng ganung produkto kaya hindi ka pa nagiging model. Maghintay ka lang. “Bakit kaya ipinanganak akong mahirap?”, “Bakit ako maraming peklat?” “Bakit ako ganito, ganun?” Bitterness ang laman ng puso dahil naiinggit.

Pag naiinggit tayo, mamimintas tayo dahil 99.99% ng pamimintas ay galing sa inggit! Ang mga pintasera, inggitera. Kasi, kung hindi ka naiinggit, bakit ka namimintas? To make yourself feel good. When you criticize, what you’re really saying is, “I am so insufficient inside of me. Kulang na kulang ako, salat na salat, dukhang-dukha, kaya pinuputol ko ang lahat ng ulo ng matatangkad para ako ang maging matangkad. Pinupuno ko sila ng dumi para magmukha akong mas malinis.” Kaya dapat alisin yang criticism at bitterness sa buhay kasi hindi ka tatahanan ng espiritu ng Dios at hindi ka gagaling kung puro bitterness ang laman ng puso mo. Tuwang-tuwa si Satanas pag bitter ka, kasi yan ang gusto nyang tirahan.

Maganda na gusto nyong magtanggal ng peklat at kung anu-anong mikekekwek sa inyong mga paa, pero unahin nating tanggalin ang bitterness sa ating puso. Mabigat dalhin at lahat ng blessing na dumadating sa inyo tumatalbog, kasi para kayong may shield – rejecting God’s blessings. Bitterness contradicts God’s blessings.