SOSYALAN

Matthew 11:19

But the Son of Man goes around eating and drinking, and you say, “That man eats and drinks too much! He is even a friend of tax collectors and sinners.”

Maski kailan hindi natin nakitang nag-ayuno ang Panginoong Hesus except for the forty days when he was being tried by the devil. He focused on the trial or on whatever he was doing, but elsewhere he was always eating and drinking. Kaya nga tinawag siyang “matakaw” at “lasenggo” ng kanyang mga kritiko na laging nag-aayuno. Ini-equate ng maraming tao yung kabanalan sa pag-aayuno. Pinasasama nila ang pag-eenjoy. Sa kanila ang pagiging maka-Dios ay bawal tumawa, bawal umuga ang katawan kahit may tugtog, bawal pumalakpak, bawal sumayaw, bawal ang lahat. Dapat na malungkot ka para matuwa ang Dios.

But we also need physical sustenance. Eating not only gives us chemical balance but also social balance because it is expected that we eat with other people. Hindi ka pumupunta lang sa isang sulok para saksakan mo ng kung anu-anong bitamina ang loob ng iyong sikmura. May pakikisalamuha at pakikipagkapwa na nangyayari kapag tayo ay kumakain. At mahusay tayong mga Pilipino d’yan.

Alam natin kung ano ang nararamdaman ng nagugutom at kinakapos sa pagkain kaya tuwing may kinakain tayo, kahit na may kagat na yung sandwich natin, nang-aalok pa rin tayo, “Gusto mo?” Hindi puede sa atin yung kumakain na hindi nag-aalok. Kasi gusto nating may kasalo tayo sa ating pagkain. At yun ang ginagawa ng Panginoon noon. He was not eating just for the sake of eating; he was also socializing because he was also giving the people the kingdom of God.