STOP REMEMBERING

Ephesians 5:18

Don’t destroy yourself by getting drunk, but let the Spirit fill your life.

Minsan, may mga well-meaning friends tayo na kapag dumadaan tayo sa isang masakit at mapait na karanasan, ang ipinapayo sa atin ay maglasing. Sabi nila, “Forget your pain by getting drunk.” Pero ano talaga ang nangyayari? Kapag natapos na ang pagkalasing, kapag wala na ang hangover at nakainom na ng kape, bumabalik ulit yung pain. Ang totoo nyan kapag labis kayong uminom ng alak, sasakit lang ang ulo nyo pagkatapos masisira ang inyong atay, magkakagastos pa kayo, pero pag nahimasmasan kayo, nandoon pa rin ang problema. Madalas nga, nadadagdagan pa dahil minsan yung mga nag-iinuman ay nagsasaksakan nung lasing na. Dumadami lalo ang problema.

So kung gusto nating malasing para lumimot, puede rin naman. But get drunk with the Holy Spirit instead. Talinghaga lang yun ha? Kasi hindi naman nakakalasing ang Espiritu ng Dios. Pero, binibigyan tayo ng pakiramdam na punung-puno. At dahil tayo ay puspos ng Espiritu, nalilimot natin ang mga bagay na tapos na. The Spirit gives us life by making us forget. Kung pinahihirapan tayo ng sobrang guilt dahil sa mga maling nagawa natin pero pinagsisihan na natin, inihingi na ng tawad sa Dios at sa taong nagawan natin ng mali, pati yun limutin na natin.

Stop remembering and stop being sad. Forgive yourself, forgive others. Limutin yung tapos na. Alalahanin na lang ang darating pa. Wala na tayong magagawa sa nakaraan, pero may magagawa pa tayo sa kung anuman ang darating.