TAGAY PA

Proverbs 23:20-21

Don’t be a heavy drinker or stuff yourself with food. It will make you feel drowsy and you will end up poor with only rags to wear.

Kung gusto nating maging mabuti ang buhay, do not join drunkards and gluttons. Iwasan ang mga taong laging naghahanap ng maiinom at mapupulutan. Huwag daw makikisama sa mga lasenggo at masiba sa pagkain pagkat sila’y masasadlak sa kahirapan at darating ang panahong magdadamit ng basahan. Hanggang ngayon, marami pa ring pamilya ang hindi natututo sa mga paulit-ulit na paghihirap ng kanilang mga henerasyon. Alam nang lasenggo si Lolo, si Tatay, pero mamaya lasenggo na rin si Anak. Maraming pagtitipon ang hindi kumpleto hangga’t hindi nalasing yung mga kalalakihan at nagsasaksakan ng basag na bote. Hangga’t hindi nahihilo, sumusuka, at pasuray-suray ang mga manginginom ay hindi titigil.

Pansinin natin yung mga kilala nating palainom. They are the same people who live on cycles of poverty and violence, cycles ng paggawa ng nakakahiya at paghingi ng tawad kinabukasan, cycles ng mga bad manners na pinipilit pagtakpan kinabukasan. At paulit-ulit yan tuwing may binyagan, kasalan, at fiesta na parang walang natututunan. Okay lang na magkamali pero dapat naman bawat pagkakamali ay nagpapatalino sa atin.

Bakit kailangang lasingin ang utak? May mga umiinom ng “inuman ng tunay na lalaki” dahil hindi makapagsalita hangga’t hindi lasing. Hindi makapagtapat ng pag-ibig hangga’t hindi nakakainom. Hindi makapagsabi ng niloloob hangga’t hindi pasuray-suray. Ano ang pagiging tunay na lalaki doon? Only weak character leans on strong drink.